INVENTAIRE des ornements placés dans la trésorerie de la collégiale Saint-Seurin de Bordeaux.

collégiale Saint Seurin, Bibliothèque de Bordeaux

INVENTAIRE des ornements placés dans la trésorerie de la collégiale

Saint-Seurin de Bordeaux.

Archives départementales, série E. Notaires Chadirac, no 91, f~ 1G26. Communiqué

par M. Roborel de Climens.

Aujourd'hui vingt et neufviesme d'aoust mil six cens cinq, a esté procedé par moy, notaire et tabellion royal soubsigné, à la faction de l'inventaire des ornemens qui sont dans la tresorerie de l'eglise collegiale Sainct-Seurin lez Bourdeaux. A quoi faire a assisté monsieur maistre Jacques Donzeau; comme tresorier en ladite eglise.

Premierement, c'est trouvé la verge de monseigneur sainct Martial estant dans une boele de boys.

Plus, la teste de monseigneur sainct Amand couverte d'argent.

Plus, le bras de monseigneur sainct Fort estant couvert d'argent.

Plus, ung reliquere faict en forme de clochier, auquel y a plusieurs reliques de sainctz, avecques la figure de deulx anges et une piere.

Plus, ung petit coffre d'argent, où y a des reliques dedans.

Plus, ung petit reliquere d'argent, où il y a des reliques, faict en fason de tabourin, avecq une petite chesne d'argent et ung clou d'argent.

Plus, une piere de sainct Estienne couverte d'argen en fason de grilhe.

Plus, une petite croix d'argent avecque le crusificq et de deulx petits anges où il est escript.

Plus, ung petit reliquaire où il y a une petite chesne d'argent.

Plus, une croix double avecq son pied d'argen, à laquelle y a enchassé certaines pieres.

Plus, une aultre petite croix couverte d'argen, qui est rompue, en laquelle y a enchassé quelques pieres.

Plus, une custode de cristal garnye d'argent, avecq deulx anges et une petite croix sur le cristal.

Plus une grand croix d'argen surdorée et le dedans de fer.

Plus, ung aultre grand croix avecque son baston d'argent et la panne de cuyvre.

Plus, ung aultre croix de cristal avecque garniture d'argent, avecq son estuye et une barre de fer dedans.

Plus, aultre croix d'argent surdorée qui appartient à la frairie du Sainct-Esprit, avecq son baston d'argent.

Plus, la masse du portier, couverte d'argent.

Plus, ung esparson d'argent.

Plus, deulx grands cbandeliers d'argent, garnis l'ung de douze et l'aultre de unze figures.

Plus, deulx ensansoirs d'argent.

Plus, une navete d'argent, avecq son cuilher d'argent.

Plus, une grande custode d'argent surdorée, avec que son soleil garny d'argent, et une petite croix qu'on met au-dessus avecque le clou pour fermer ladite custode.

Plus, une coupe d'argent surdorée et avecque son couvercle d'argent surdoré, laquelle a eté mise ès mains duvicaire, où est le Sainct-Sacrement.

Plus, ung grand calisse d'argent surdoré et figures, avecq sa platine d'argent.

Plus, aultre calisse d'argent surdoré, avecq sa platine surdorée, auquel calisse y a plussieurs figures autour, qui a esté donné par ung messire Bernard de Caudeyran, prestre.

Plus, aultre calisse d'argent surdoré, avecque sa platine d'argent surdorée, auquel calisse y a à la pomme quelques figures.

Plus, deulx calisses tous neuf, estant d'argent, chascun leur platine,lesdits calisses estant le tour deu pieds et en aultres deulx endroits surdorés.

Plus, aultre calisse d'argent, la pomme surdorée, avecque sa platine surdorée au milieu.

Plus, ung aultre grand calisse d'argent, avecq sa platine aussy d'argent, sur le pied duquel est escript donné Petrus de Lynars clcdit.

Plus, ung aultre calisse d'argent, qui n'est point surdoré, avecq sa platine.

Plus, ung aultre calisse d'argent surdoré, par dedans et au dessus le pied y est escript ces mots donné, Petrus de Lazars, avec que sa platine, appartenant ledit calisse à la frairie du Sainct-Esprit.

Plus, deulx paires de canetes d'argent, l'ung paire estant plus grandes

que les aultres.

Plus, trois bassins d'argent, les deulx grands et l'aultre petit; aulx deulx grands y ayan au milieu figure et les bords ung peu surdoré, et le petit estant fort vieulx.

Plus, une petite custode d'argent faicte en rond, à laquelle y a une petite croix d'argen; le vicaire l'a en charge pour porter le Sainct Sacrement aulx malades.

Plus, une petite couppe d'argent surdorée par le dedans.

Plus, une petite croix d'argent faicte en faiçon de clocbier sur trois pieds; à la croix y ayan un crusificq.

Plus, une couronne d'argent faicte en fleur de lis, où il y a cinq pieres.

Plus, ung cristal garny d'argent où il y a cinq boutons.

Plus, six bagues dont aulx trois y a chascune une pierre, et à la quatriesme

y ayant huict petites pierres et les aultres deulx estant au dos escripte, sans y avoir de pieres.

Plus, une petite croix, au baston de laquelle se tient une figure de main d'argent, ladite croix ronde.

Plus, ung petit agnel faict en façon [de] cuer ataché à une petite chesne.

Plus, douze boutons d'argent surdorés, estant sur piereset estant plantés.

Plus, huict boutons couverts de petites perles et garny d'argent.

Plus, s'est trouvé une grand chappe garnye d'or que monsieur le doyen de ladite eglise a coustume de porter, doublée de trelie bleu, à laquelle y a deulx crochets et deulx crichetes d'argent.

Plus, ung aultre chappe faicte à l'aguilhe, estant de soye et fillet d'or, et doublé de trelie bleu.

Plus, quatre grand chappes les parements de fillet d'or, et les aultres deulx estant doublé de trelie rouge et les aultres deulx de trelie vert, à l'une desquelles y a deulx chroschets et deulx crichetes d'argent.

Plus, ung grand chappe, à laquelle y a plusieurs figures diverses, n'estant point doublé, que les paremens, qui sont de trelie rouge.

Plus, une aultre chappe bleue où il y a plusieurs foliaiges et figures de paronque, avecque ses chrochets d'argent, double de vieulx tafetas rouge.

Plus, deulx petites chappes de velours rouge, ausquelles y a plusieurs fleurs de lis et aultres foliaiges de fillet d'or doublés de trelie bleu.

Plus, aultres deulx chappes de velours rouge, ausquelles y a à chascune deulx escussons ou armoiries de fillet d'or et d'argent, et les paremens estant de fillet d'or et doublé de trelie bleu.

Plus, aultre chappe de velours tirant sur le rouge et cramoisy, faict à foliaige de fillet d'or, à laquelle y a la d'ung crochet d'argent rompu, doublé de trelie bleu.

Plus, aultre chappe de velours tirant sur le noir, à laquelle y a plussieurs foliaiges de fillet d'or, et sur le devant y a une armoirie de trois fleurs de lis et une barre par le milieu, doublé de trelie vert.

Plus, aultre chappe de velours tirant sur le blanc, à laquelle y a plussieurs foliaiges de fillet d'or doublé de trelie rouge, apartenant à la frairie du Sainct-Esprit.

Plus, ung aultre chappe de damas blanc, les parements faicts à foliaiges, avecque deulx passemens de fillet d'or et doublé de trelie noir.

Plus, aultre chappe de satin blanc, les paremens de fillet d'or et au milieu plusieurs foliaiges, et doublé de trelie noir.

Plus, aultre chappe blanche de damas fort vieilhe et les paremens fort usés, où il y a quelques figures, et doublée de trelie bleu.

Plus, deulx chappe de damas vert fort usées et doublées de tafetas rouge.

Plus, deulx aultres petites chappes vertes et d'estade fort vieilhes et doublés de tafetas rouge.

Plus, quatre chappea bleues fort vieilhes, l'une fort rompue, les trois doublées de trelie blanc et l'aultre de rouge.

Plus, aultre vieilhe chappe rouge, à laquelle y a quelques figures, et doublé de trelie tirant sur le noir.

Plus, aultre chappe de damas rouge avecque plussieurs foliaiges de fillet d'or, sans y avoir de doublure.

Plus, aultre chappe rouge, faicte à careaux rouge et blanc et vert, doublée de trelie vert.

Plus, aultre chappe de tafetas rouge, à laquelle y a plussieurs figures de fillet d'or et d'argent et de soye verte, fort vieilhe, et doublée de [relie rouge.

Plus, ung aultre vieilhe chappe de tafetas tirant sur le damas, de couleur jaulne, sans doublure, les paremens doublés de vieilhe toille noire.

Plus, aultre vieilhe chappe de couleur jaulne, fort rompue, à laquelle y a plussieurs foliaiges, sans y avoir de doublure.

Plus, aultre vieilhe chappe de couleur tirant sur le rouge, à laquelle y a plussieurs foliaiges dans des releaux, sans y avoir de doublure.

Plus, aultre chappe, à laquelle y a plussieurs figures de fillet d'or et d'argent, doublé d'estade, figures tirant sur le blanc.

Plus, trois chappes de damas noir doublées de trelie noire, à l'une desquelles sur les paremeus de vellours rouge, avecque la figure de l'arbre de Jessé de fillet d'or et les paremens des aultres deulx, y ayant quelques figures.

Plus, deulx aultres chappes d'ostade noire et les paremens de velours blanc, et a esté dict qu'il y soulloit avoir trois chappes, et l'une d'icelle a esté cy-devant employée à recoustrer les aultres, lorsque monsieur Dupuy, chanoyne en ladite eglise, etoit ouvrier.

Plus, aultre vieilhe chappe rouge, les paremens estant cle tafetas jaulne, et doublé de trelie tirant sur le noir.

Plus, deulx aultres vieilhes chappes de damas rouge, les paremens de fillet d'or et d'argent, fort vieulx et rompus, et doublé de trelie bleu.

Plus, aultres deulx chappes vieilhes, fort rompues, de satin ou tafetas rouge, faicte à foliaiges et personnaiges, doublé de trelie noir tirant surle blanc.

Plus, une aultre vieilhe chappe de tafetas bleu, faicte à figures d'evesques et aullres personnaiges et haroquets, vert doublé de trelie noir et rouge, ayant esté acoustrée.

Plus, aultre chappe d'hostede verte, à laquelle y a plusieurs figures, doublé une partie de tafetas rouge et l'auHre partie de bleu.

Plus, aultre vieilhe chappe rompue de rouge, les paremens de jaulne, avecque figures de fillet d'or et d'argent et doublé de trelie jaulne.

Plus, une aultre vieilhe chappe de velours noir, fort rompue, doublé de trelie noir.

Plus, aultre chappe de damas blanc, fort rompue et doublé de trelie blanc.

Plus, aultre vieilhe chappe de damas blanc, rompue et dechirée, doublé de trelie tirant sur le rouge.

Plus, ung aultre vieilhe chappe rompue rouge et faicte à doublé de trelie blanc.

Plus, aultre vieilhe chappe rompue, doublée de trelie jaulne.

Plus, aultre vieilhe chappe de coleur rouge, figure de fillet, doublé de trelie blanc.

Plus, aultre vieilhe chappe rompue, rouge, figure et doublé de trelie blanc.

Plus, trois bannieres à l'une desquelles y est l'image de Nostre-Dame et de Saint-Amand, l'aultre y a ung crusific et la figure d'ung evesque, et l'aultre ung aultre crusificq et une d'evesque.

Plus, trois paremens de hostel de velours rouge.

Plus, ung devant de paremens d'autel de velours rouge, avecque figures de fillet d'or et d'argent.

Plus, deulx devant de paremens d'autel, à l'ung desquels y a ung himage de crusificq et à l'aultre la figure de Nostre-Dame.

Plus, deulx pantes d'haustel de damas rouge.

Plus, deulx corsins de velours bleu.

Plus, quatre cortibaulx et deulx chasubles de drap d'or de velours, figure, violet.

Plus, deulx estolles et trois manupulles de mesme de drap d'or, violet.

Plus, deulx cortibaulx et une chasuble et ung estolle et ung manupulle, le tout de damas blanc, garnys de passemens d'or.

Plus, deulx cortibaulx et une chasuble de damas.

Plus, ung estolle el ung manupulle de mesme que les cortibaulx.

Plus, deulx cortibaulx de velours noir et une chasuble et ung estolle et trois manupulles.

Plus, quatre cortibaulx de damas vert et deulx chasubles de mesme que les cortibaulx et ung estolle et trois manupulles.

Plus, deulx. cortibaulx et deulx chasubles de vellours rouge.

Plus, deulx cortibaulx. et une chasuble de vellours retirant sur le noir, garny de foliaige de fillet d'or, et ung estolle et deulx manupulles de mesme que les cortibaulx.

Plus, une chasuble de velours violet garny de foliaige de fillet d'or.

Plus, quatre cortibaulx et une chasuble de damas violet, deulx des cortibaulx doublé de trelie rouge et les aultres deulx et la chasuble doublé de trelie blanc.

Plus, deulx cortibaulx et une chasuble de damas colombin, où il y a qluelques figures, les paremens de fillet d'or, et une chasuble de mesme.

Plus, deulx cortibaulx d'ostade rouge, doublé de bouquestin viollet, tirant sur le bleu.

Plus, deulx chasubles de damas rouge, l'une doublée de trelie rouge, et l'aultre viollet, avecque deulx estolles et trois manipules de velours rouge.

Plus, deulx. cortibaulx de camelot blanc, un manipule et une chasuble et une estolle.

Plus, deulx cortibaulx d'estade noire et trois chasubles d'estade noire, dont l'une appartient à la frairie du Sainct-Esprit.

Plus, six petits cortibaulx des enfans de la psalete.

Plus, ung cortibaulx de satin blanc garny de plussieurs felhaiges, doublé de trelie bleu, qui apartient à la frairie du Sainct-Esprit.

Plus, trois petits tapis de laine.

Plus, douze coussinets desquels les trois sont de vellours tirant sur le rouge et les aultres estans de plusieurs coulleurs.

Plus, ung aultre vieulx tapis.

Plus, trois draps de morts de fustene noire, avecq la croix: de fustene blanc, où il en y a deulx qui servent de paremens aulx corps saincts.

Plus, deux escharpes de soye.

Plus, ung grand drap garny autour de tafetas rouge, qui sert à metre devant l'autel de Saincte-Catherine.

Plus, un vieulx sel qu'on met sur le pavilhon, la semaine saincte, garny autour de frange de damas colombin de tafetas noir, fort vieulx et gasté, doublé de toille rouge.

Plus, une couverture de croix de vellours noire, garnye autour de passemens d'argent.

Plus, ung grand drap de toille qu'on met devant le grand hautel au temps de caresme.

Plus, ung aultre grand drap de toille qu'on met devant le crusifix aussy au temps de caresme.

Plus, ung vieulx drap d'ostade noire avecq sa croix de fustenne blanche, et doublé de toille blanche.

Plus, une nappe de soye qu'on soulloit mettre sur l'autel les festes adnuelles, brodée de plusieurs sortes de feuilhages, garnye autour desoye et de fillet d'or, et doublé de trelie rouge.

Plus, ung drap de velours colombin, broudé au foun d'ung passemens d'or et doublé de toille blanche, lequel drap l'on met devant Nostre-Dame.

Plus, aultre devant de damas noir, brodé de plussieurs fueilhages d'or et doublé de toille jaune.

Plus, ung aultre drap pour metre devant l'imaige et figure de Nostre-Dame, estant de vellours rouge, brodé de plussieurs petits fueilhaiges par le milieu et de deulx petits cordons d'or.

Plus, ung aultre devant de satin blanc entourné de bandes de soye verte et doublé de trelie jaune.

Plus, ung aultre cy devant de satin blanc, brodé au tour d'un grand bord de soye noire, doublé de trelie noir.

Plus, trois petits manteaux du petit image Nostre-Dame, l'ung de tafetas blanc avecq un bord de fil d'argent, l'aultre de satin blanc entourné de passemens d'or et d'argent, et l'aultre aussy de satin blanc, brodé de fil d'or et d'argent, ont esté mis en voilles pour metre sur les calisses.

Plus, deulx paires de patenostres, l'ung jaulne et l'aullre noir.

Plus, cinq vieilhes sintures planieres, dont il en y a une en fason de patenostres.

Plus, aultres cinq cintures, dont en y a une qui a ung bouton d'or à chaque bout, avecq ses hupes de soye grise, les aultres de plussieurs couleurs, dont en y a trois rondes et deux planieres.

Plus, deulx grandes pantes qu'on met devant le grand hautel en temps de caresme.

Plus, ung vieulx devant d'autel de toille, en façon de nappe, qu'on met aussy en temps de caresme devant le grand hautel.

Plus, vingt et quatre nappes.

Plus, vingt et deux haubes.

Plus, trois servietes.

Plus, trois vieilhes bannieres, en l'une desquelles y a l'image de saincte Benedicte et l'aultre de sainct Fort.

Plus, deux crosses de leton.

Plus, deux vieux tapis qu'on met sur le pulpitre quant on dict l'evangille.

Plus, une grand tapisserie presque neve, où est l'histoire de David.

Plus, cinq vieilhes tapisseries.

Plus, le cornet de Rollan.

Plus, quatre missels neufs.

Plus, quatre vieulx missels dont le vicaire en a ung.

Plus, six haubes pour batiser les enfans.

Et d'otant qu'il y a longtemps que le susdict inventaire avait esté faict et receu, ce jourd'huy vingtiesme de juillet mil six cens sept, le tout a esté verifié suyvant l'ordonnance du chapitre, et le tout s'est trouvé sauf.

Touts lesquels susdits ornemens et chescun ci-dessus especifié sont demeurés dans la chapelle de la tresorerie.

Dont et du tout a esté octroyé acte à messire maistre Jacques Donzeau, chanoyne et tresorier en ladite eglise, et à maitre Anthoine Trebarel, prestre, le vingtiesme jour de juilhet mil six cens sept, assistant à ce monsieur maistre Estienne Clergeaul, aussy chanoyne en ladite eglise, comme comis par ledit chapitre; ès presence de maitres Jehan Pastoureau et Pierre R3.ymond, soubs-diacres en ladite eglise.

Signé DONZEAU, CLERGEAUD, TREBAREL,

PASTOUREAU, P. REbiOND.

A. DE CHADIRAC, notaire royal.